Ayətullah Sistaninin həyat yoldaşı vəfat etdi

İQNA - Şiələrin ali mərcəsi həzrət Ayətullahul-uzma Sistaninin həyat yoldaşı bir müddət xəstəlikdən əziyyət çəkdikdən sonra bazar günü axşam saatlarında Nəcəf-əşrəfdə Haqqın rəhmətinə qovuşdu.

“İQNA”-nın məlumatına görə, “Suməriyyə Nyuz”un yazdığına əsasən, Ayətullah Sistaninin dəftərxanasının bəyanatında belə deyilir:

“Mərhum Ayətullah Seyid Mirzə Həsənin qızı mərhum Ayətullahul-uzma Seyid Məhəmmədhəsən Şirazinin (Mücəddid Şirazi) nəvəsi, ali mərcə Ayətullah Seyid Əli Hüseyni Sistaninin həyat yoldaşı xanım Ələviyyə, Nəcəf-əşrəfdə Allahın rəhmətinə qovuşdu”.

Onun cənazəsi Rəbiüs-sani ayının 6-sı, bazar ertəsi günü səhər saat 9-da Şeyx Tusi məscidindən vida mərasimi ilə dəfn ediləcək.

Həmçinin mərhumənin ruhunun şadlığı üçün Fatihə məclisi bazar ertəsi və çərşənbə axşamı günləri məğrib və işa namazlarından sonra Xızır məscidində keçiriləcək.

4307663