Türkiyə Vətən Partiyasının liderinin Bakıda keçiriləcək hahamlar toplantısına reaksiyası
Xarici Radio və Televiziyalar Birliyinin məlumatına görə, Doğu Perinçek, Azərbaycan Prezidenti İlham Əliyevə rəsmi məktub göndərərək, Bakıda keçiriləcək “Avropa Hahamları Qurultayı”na etiraz edib və bu addımı ABŞ və sionist rejimin maraqlarına xidmət edən bir hərəkət kimi dəyərləndirib.
Məlumata görə, həmin toplantı 2025-ci ilin 4–6 noyabr tarixlərində Azərbaycanın paytaxtı Bakıda yüzlərlə Avropa hahamının iştirakı ilə keçiriləcək.
Toplantıda “İbrahim razılaşmaları” və anti-sionist hərəkatlara qarşı strategiyalar kimi mövzuların müzakirə ediləcəyi bildirilir.
Perinçek məktubunda vurğulayıb ki, “belə bir konfransın heç bir müsəlman və türk ölkəsində keçirilməsi indiyə qədər baş verməyib” və bu addımın “Qərbi Asiya və Qafqaz regionundakı ölkələrə qarşı təhdidləri gücləndirə, həmçinin türk-islam dünyası və bəşəriyyət birliyinə zərər vura biləcəyini” qeyd edib.
O, Azərbaycan Prezidentinə müraciətlə yazıb: “Əziz Prezidentimiz, təcrübəli rəhbərliyiniz altındakı Azərbaycanımız ABŞ–İsrail cəbhəsində yer ala bilməz. Bu konfransın keçirilməsi tarixi bir ləkə olacaq.”
Perinçek sonda Əliyevdən region ölkələrinin müstəqilliyi, təhlükəsizliyi və gələcəyi naminə bu toplantının ləğvinə qərar verməsini və Azərbaycanın Qərbin siyasət xəttinə sürüklənməsinin qarşısını almasını istəyib.
Bu məktubun yayımlanması xüsusilə Türkiyə mətbuatında geniş rezonans doğurub və ölkədə gündəmin əsas müzakirə mövzularından birinə çevrilib.
4312767
