Küveytdə görmə məhdudiyyətli şəxslərin Qurani-Kərim müsabiqəsi keçirilib
“Əl-Rəy” qəzetinin məlumatına görə, “Qəlblərin görməsi” şüarı altında keçirilən bu yarışda 120 nəfər görmə məhdudiyyətli şəxs iştirak edib. Müsabiqənin məqsədi əlilliyi olan insanların Quran fəaliyyətlərində iştirakını dəstəkləmək və onların cəmiyyətdəki rolunu gücləndirməkdir.
Fondun İdarə Heyətinin sədri Yusif əs-Sümeyi bildirib ki, əlilliyi olan şəxslər cəmiyyətin mühüm qruplarından biridir və biz daim onların dəstəyinə və müxtəlif fəaliyyətlərdə iştirak etmələri üçün şərait yaratmağa çalışırıq.
O əlavə edib ki, bu müsabiqə Küveyt səviyyəsində təşkil olunub və onun keçirilməsində xüsusi təhsil məktəbləri, Küveyt Universiteti, Tətbiqi Təhsil və Təlim Baş İdarəsi, Korlar Cəmiyyəti və “əl-Bəsirə” klubu əməkdaşlıq edib.
Əs-Sümeyi vurğulayıb ki, bu qurumların əməkdaşlığı görmə məhdudiyyətli şəxslərin cəmiyyətə inteqrasiyası və onların Quranı əzbərləmək sahəsindəki bacarıq və istedadlarının nümayişi üçün əlverişli şərait yaratmaq istiqamətində birgə səyləri əks etdirir.
O qeyd edib ki, müxtəlif yaş qruplarından olan 120 nəfər bu yarışda iştirak edib və Allahın Kitabını qoruyanların daha çoxunun iştirakını təmin etmək məqsədilə bir neçə qrup yaradılıb.
Əs-Sümeyi əlavə edib ki, qaliblərin təltif olunacağı və bağlanış mərasimi Küveytin Sosial İşlər Nazirinin nəzarəti altında 2025-ci il dekabrın 6-da keçiriləcək.
4316118
