Yaponiyanın Qurani-Kərim üzrə 26-cı illik müsabiqəni keçirməyə hazırlaşması
“İQNA”-nın “Muslimun Həvləl-Aləm” xəbər saytına istinadən verdiyi xəbərə görə, Qurani-Kərimin tilavəti və hifzi üzrə 26-cı illik Yaponiya Müsabiqəsi bu ölkənin İslami Təbliğat Assosiasiyası tərəfindən təşkil olunur. Müsabiqənin məqsədi müsəlmanlar arasında Allah kəlamı ilə əlaqənin gücləndirilməsi, həmçinin hifz və tilavətə təşviq edilməsidir.
Assosiasiyanın açıqlamasında qeyd olunub ki, müsabiqənin ilkin mərhələsi cari ilin 14 dekabrında Zoom platforması vasitəsilə onlayn şəkildə keçiriləcək. Final mərhələsi isə 2025-ci ilin 30–31 dekabr tarixlərində Tokiodakı məsciddə və Şibuyadakı Türkiyə Mədəniyyət Mərkəzində canlı olaraq baş tutacaq.
Qeydiyyat və iştirak şərtləri
Müsabiqəyə qeydiyyat 8 dekabr tarixinə qədər elektron şəkildə davam edəcək və Yaponiyada yaşayan bütün millətlərdən olan müsəlmanlar üçün tamamilə ödənişsizdir.
Müsabiqə 15 yaşadək uşaqlar üçün müxtəlif səviyyələri əhatə edir — ən az bir surəni əzbər bilənlər üçün qeyri-rəqabətli tilavət səviyyəsindən tutmuş, Qurani-Kərimin tam hifzinə qədər. 16 yaşdan yuxarı böyüklər üçün isə yalnız tam hifz səviyyəsi nəzərdə tutulub.
İslami Təbliğat Assosiasiyası bildirib ki, müsabiqənin məqsədi iştirakçılarda Qurana olan məhəbbəti gücləndirmək, onların tilavətini yaxşılaşdırmaq və Allah kəlamının hifzini möhkəmləndirməkdir.
4318276
