Livan parlament sədrinin Papaya Qurani-Kərim hədiyyə etməsi
“İQNA”-nın “əl-Məyadin”ə istinadən verdiyi xəbərə görə, Livan parlamentinin sədri Nəbi Berri, 14-cü Papa Leo ilə görüşündə dünya katoliklərinin liderinə bir nüsxə Qurani-Kərim təqdim edib.
Katolik kilsəsinin rəhbəri 14-cü Papa Leo, sülh və həmrəylik mesajı ilə Beyrutdakı Rəfiq Həriri Beynəlxalq Hava Limanına daxil olub.
Livan mənbələrinin bildirdiyinə görə, Papa bu səfər zamanı ölkənin prezident və baş naziri ilə görüşəcək və Livanın milli liderləri qarşısında çıxış edəcək.
Bundan əvvəl CNBC xəbər vermişdi ki, dünya katoliklərinin rəhbəri olan Papa Leo, Türkiyəyə səfərindən sonra Yaxın Şərqə etdiyi tarixi səfərinin ikinci və son mərhələsində Livana gələrək, İsrail rejiminin yeni təhdidlərinin qaranlıq kölgəsi altında olan bu ölkədə sülhü tələb edir.
Bir milyon suriyalı və fələstinli qaçqına ev sahibliyi edən və illərlə davam edən iqtisadi böhrandan çıxmağa çalışan Livan liderləri, qarşıdakı aylarda İsrail rejiminin hücumlarının əhəmiyyətli dərəcədə artacağından narahatdırlar.
Hizbullahın baş katibi Şeyx Nəim Qasim isə cümə günü etdiyi çıxışda Papanın səfərinin İsrail rejiminin Livana hücumlarının dayandırılmasına kömək edəcəyinə ümid etdiyini bildirib.
4320114
