Papanın Avropa və Amerikada islam əleyhinə hisslərə qarşı tənqidi
“İQNA”-nın “Əl-Ərəbiyyə”yə istinadla verdiyi xəbərə görə, Papa 14-cü Leo dünən, çərşənbə axşamı, 2 dekabr Livan səfərinin sonunda İslam və müsəlmanlardan qorxu yaradan miqrasiya əleyhdarlarını tənqid edib.
Papa bildirib ki, Livanda xristianlarla müsəlmanların əməkdaşlığı Avropa və ABŞ üçün nümunə olmalıdır.
70 yaşlı bu papa Türkiyə və Livana səfərinin sonunda – 1,4 milyard katolikin lideri kimi İtaliyadan kənara ilk səfərində – təyyarədə jurnalistlərlə söhbət edib.
Leo deyib: “İslam əleyhinə hisslər çox vaxt miqrasiyaya qarşı olan şəxslər tərəfindən yaradılır və onlar ölkəsi, dini və ya irqi fərqli ola biləcək insanları uzaq tutmağa çalışırlar”.
O bildirib ki, Livana səfərinin məqsədi müsəlmanlarla xristianlar arasında dialoq və dostluğun mümkünlüyünü göstərmək olub. Leo səfər zamanı xristianların və müsəlmanların bir-birinə yardım etməsi ilə bağlı eşitdiyi hekayələrin daha çox düşünülməli dərslər olduğunu vurğulayıb.
Bu səfərdə Papa çıxışlarında Yaxın Şərqdə sülh çağırışı edib və dünyanın qanlı münaqişələri səbəbindən bəşəriyyətin gələcəyinin təhlükə altında olduğunu xəbərdarlıq edib.
Katoliklərin lideri vurğulayıb ki, sülh uğrunda mübarizələrin ortasında biz ümid və təsəlli tapa bilərik – bizi birləşdirən şeylərə diqqət yetirdikdə; ortaq insanlığımız və məhəbbət və mərhəmət Allahına imanımız. Buna görə də, bu dövrdə Livan xalqı müxtəlif dinləri qəbul etməklə güclü bir nümunə göstərir. Burada qorxu, etimadsızlıq və fanatizm son söz deyil.
Amerikada doğulan bu papa iki onilliyi Peruya – Avqustini təriqətində dini təbliğatçı kimi – həsr edib. O, Avropa və ABŞ-da milli hisslərin artışını tənqid edib və Donald Trampın prezidentliyi dövründə miqrantlara qarşı “insani olmayan davranışın” dayandırılmasını tələb edib.
O, həmçinin tərəfdarlarını dünyada milliçiliyə səbəb olan “eksklüziv düşüncə tərzini” rədd etməyə çağırıb.
Leo bundan əvvəl demişdi ki, Katolik Kilsəsi insanlar arasında sərhədləri və sosial siniflər ilə irqlər arasındakı maneələri aradan qaldırmalıdır.
4320608
