Pezeşkiandan Fransa prezidentinə xəbərdarlıq
“İQNA”, xəbər verir ki, İran və Fransa prezidentləri bazar günü, 8 mart axşamı telefon danışığında ABŞ və sionist rejimin İrana qarşı qanunsuz və təcavüzkar müharibəsinin yaratdığı regional vəziyyəti müzakirə ediblər.
Məsud Pezeşkian bu danışıqda bildirib ki, ABŞ hökuməti danışıqlar zamanı ikinci dəfədir ki, sionist rejimlə birlikdə beynəlxalq hüquqa zidd şəkildə İrana qarşı qanunsuz hücum həyata keçirir. O, təcavüzkarların məktəblər, xəstəxanalar və digər mülki obyektlər də daxil olmaqla İranın infrastrukturuna qarşı törətdiyi cinayətlərə işarə edərək xəbərdarlıq edib ki, İran bu hücumlara müvafiq cavab verəcək.
Prezident vurğulayıb ki, İranın bütün addımları özünümüdafiə çərçivəsindədir və Fransa da daxil olmaqla digər ölkələrin təcavüzkarlarla hər hansı formada əməkdaşlığı — istər hücum, istər müdafiə — müharibəyə şərik olmaq deməkdir.
Pezeşkian əlavə edib: “Belə addımlar yalnız regiondakı vəziyyəti daha da mürəkkəbləşdirir və gərginliyi artırır. İran xalqı, dövləti və Silahlı Qüvvələri ölkəni və sistemi müdafiə etməkdə qətiyyətlidir.”
Fransa prezidenti isə danışıqda İranın vətəndaşlarının həlak olmasına görə təəssüfünü bildirib və vurğulayıb ki, Fransa bu hücumları beynəlxalq hüquqa zidd hesab edir və bu müharibədə heç bir müdaxiləsi yoxdur.
Makron əlavə edib ki, Fransa regionda gərginliyin nəzarətdən çıxmaması və vəziyyətin daha da ağırlaşmaması üçün bir sıra ölkələrlə diplomatik məsləhətləşmələr aparır.
Hər iki ölkənin prezidentləri həmçinin konsulluq məsələlərini, o cümlədən iki ölkənin məhbusları ilə bağlı mövzuları da müzakirə ediblər.
4339324
