Ənsarullah rəsmisi: Bütün region ABŞ-ın təcavüzünə qarşı İranın yanında dayanmalıdır
“İQNA”-nın “əl-Məyadin” telekanalına istinadən verdiyi xəbərə görə, Ənsarullahın Siyasi Bürosunun üzvü Məhəmməd əl-Fərəh Səudiyyə və BƏƏ-ni “ABŞ–İsrail qucağından uzaqlaşmağa” çağırıb.
Ənsarullahın Siyasi Bürosunun digər üzvü Məhəmməd əl-Buxeyti də 23 İsfand ayında verdiyi açıqlamada vurğulayıb ki, hamı ABŞ-ın təcavüzünü pisləməli və İranın yanında dayanmalıdır.
O deyib: “İranın bölgədəki bütün ABŞ bazalarını – təcavüzün mənbəyi olan bu məntəqələri – hədəfə almaq haqqı var.”
Ənsarullah rəsmisi əlavə edib: “Bu gün İran ona qarşı irəli sürülən bütün ittihamlardan təmizə çıxıb və hamı İranın İslam ümmətinin məsələlərini müdafiə etməkdəki mövqeyinin həqiqiliyini anlayıb.”
Əl‑Buxeyti bildirib: “Bütün region ABŞ-ın İrana qarşı təcavüzünü pisləməli və bu döyüşdə İranın yanında dayanmalıdır.”
O qeyd edib: “Bu müharibə yalnız İrana qarşı deyil, bütün ərəb və islam ölkələrini hədəfə alıb.”
Ənsarullahın Siyasi Bürosunun üzvü region xalqlarına müraciətlə deyib: “Hamımız bu məcburi mübarizəyə daxil olmalıyıq ki, öz şərtlərimizi diktə edə bilək.”
Əl‑Buxeyti əlavə edib: “Bu, haqqın batilə qalib gələcəyini müəyyən edəcək taleyüklü bir döyüşdür.”
Ənsarullah rəsmisi sözlərinə belə davam edib: “Fars körfəzi ərəb ölkələrinin təhlükəsizliyi Vaşinqton üçün heç bir əhəmiyyət daşımır. ABŞ bu ölkələri İranla müharibəyə sürükləmək istəyir.”
4341816
