Düşmənin hər cür təcavüzünə qarşı Quranın məntiqi: eyni ilə cavab vermək

İQNA – İslam hökumətinin heç kimlə savaşmaq niyyəti yoxdur, lakin təcavüz, fitnə və qorxu yaratma ilə üzləşdikdə, Allahın yardımına nail olmaq üçün müqabil cavab verməyə məcburdur.

Qurani-Kərim düşmənlə döyüş barədə üç şərt bəyan edir:

«وَ قاتِلُوا فِی سَبِیلِ اللَّهِ الَّذِینَ یقاتِلُونَکمْ وَ لا تَعْتَدُوا إِنَّ اللَّهَ لا یحِبُّ الْمُعْتَدِینَ» (Bəqərə: 190)

1. Döyüş yalnız Allah yolunda olmalıdır. 

2. Döyüş yalnız təcavüzkara qarşı olmalıdır; yəni savaş sizə zorla qəbul etdirilməyincə silaha əl atmayın. 

3. Döyüş meydanında həddi aşmayın və əxlaqi prinsiplərə sadiq qalın.

Bu səbəbdən, İran İslam Respublikasının ABŞ və sionist rejimin təcavüzünə qarşı müdafiəsi qanuni və Qurana uyğun bir davranışdır.

Dörd ayə sonra isə cavab vermə qaydası belə açıqlanır:

«فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُمْ» (Bəqərə: 194)

İslam hər kəsə belə bir haqq verir: əgər ona təcavüz olunarsa, eyni miqdarda cavab verə bilər. 

Məsələn, əgər düşmən başqa bir ölkənin ərazisindən istifadə edərək müsəlman ölkəsinə hücum edərsə, həmin ölkənin də təcavüzkarın maraqlarına eyni şəkildə cavab vermək haqqı vardır. 

Məsələn, əgər İranın neft və qaz emalı zavodları bombalansa, İran da cəzalandırıcı və çəkindirici məqsədlə həmin bazaları təmin edən ölkələrdəki onların sərmayələrini və maraqlarını hədəf ala bilər.

Təcavüz yalnız o zaman pislənir ki, başlanğıc olsun və başqasının təcavüzünə cavab xarakteri daşımasın. 

Əgər bir cəmiyyət zülm, əsarət və alçaldılma altında yaşamaq istəmirsə və başqasının təcavüzünə cavab verirsə, bu davranış böyük bir fəzilət sayılır. Çünki təcavüzkara təslim olmaq ölüm, müqavimət göstərmək isə həyat sayılır.