Papanın İrana qarşı müharibənin dayandırılması üçün diplomatik kanallardan istifadə çağırışı

İQNA – Papa XIV Leo İsrail rejiminin rəhbəri ilə telefon danışığında İrana qarşı müharibəni dayandırmaq üçün diplomatik kanalların işə salınmasının zəruriliyini vurğulayıb.

“İQNA”-nın xəbər mənbələrinə istinadən bildirir ki, Vatikan açıqlama verib: “Papa XIV Leo bu gün – 14 fərvərdin – İsrail rejiminin prezidenti İshaq Hersoqla telefon danışığı aparıb və bölgədə davam edən şiddətli qarşıdurmaya son qoymaq və bütün Yaxın Şərqdə ədalətli və davamlı sülhə nail olmaq üçün mümkün olan bütün diplomatik dialoq kanallarının açılmasının vacibliyini qeyd edib”.

Papa söhbət zamanı xüsusilə mülki əhalinin qorunmasının və beynəlxalq hüquqa, o cümlədən humanitar hüquqa hörmətin gücləndirilməsinin zəruriliyinə diqqət yönəldib.

Bu telefon danışığı Pasxa bayramı münasibətilə baş tutub və Vatikanın rəsmi açıqlamasında əsas mövzunun diplomatiya yolu ilə mövcud böhranın nəzarət altına alınması və regionda gərginliyin daha da genişlənməsinin qarşısının alınması olduğu bildirilib.

Papa XIV Leo bundan əvvəl də Yaxın Şərqdə gərginliyin artması, müharibənin genişlənməsi və onun humanitar nəticələri barədə xəbərdarlıq etmiş, zorakılığın dayandırılması, mülki şəxslərin qorunması və siyasi həll yollarına qayıdılmasının vacibliyini vurğulamışdı.

4344182