“Bəsdir bu özünə və pula pərəstiş etmək!”
“İQNA”-nın “Əl-Məyadin”-ə istinadla verdiyi xəbərə görə, Papa XIV Leo Trampın ona qarşı hücumlarına cavab olaraq bildirib: “Trampın bu sözlü hücumlarına baxmayaraq, mən müharibəni pisləməyə davam edəcəyəm”.
O əlavə edib: “Mən siyasi rol oynamıram və Tramp ilə mübahisəyə girmək niyyətində deyiləm”.
Dünən Tramp təhqiramiz çıxışında demişdi ki, papadan nifrət edir və qardaşı Lui-ni ondan daha çox sevir.
Tramp həmçinin ABŞ siyasəti ilə bağlı mövqelərinə görə Papa XIV Leo-nu tənqid edərək bildirib ki, o, papadan ABŞ prezidentini tənqid etməsini istəmir.
Papa XIV Leo Palma bazarı (29 mart) mərasimində heç kimin adını çəkmədən demişdi: İsa Məsih sülhün padşahıdır, o, müharibəni rədd edir və heç kim ondan müharibəni əsaslandırmaq üçün istifadə edə bilməz. İsa müharibə başladanların duasını eşitmir və onları rədd edir.
O, ötən həftənin sonunda da ABŞ və İsrailin İrana qarşı apardığı müharibəyə birbaşa işarə edərək onu “dəhşət və qeyri-insani” adlandırmış və dünya liderlərini bunun əvəzinə diplomatiyaya yönəlməyə çağırmışdı.
Papa əlavə edib: “Bəsdir bu özünə və pula pərəstiş etmək! Bəsdir bu güc nümayişi! Bəsdir bu müharibə!”
4346256
