Sionistlərin Həmas və Hizbullahı məhv etməkdə uğursuzluğunu etirafı
“İQNA”, “Əl-Aləm” kanalına istinadən verilən xəbərə görə, rejimin keçmiş baş naziri Naftali Bennett vurğulayıb ki, İsrail kabineti Həmas və Hizbullahla qarşıdurmalara son qoymaqda aciz qalıb və israillilər hökumətin fəaliyyətindən narazıdır.
O deyib: Cəbhə xəttinə yaxın bölgələrin sakinləri qəti nəticə və təkrarlanan qarşıdurmaların sona çatmasını istəyirlər. “Ordu” müəyyən hərbi nailiyyətlər əldə etsə də, kabinet Həmas və Hizbullah hərəkatlarını aradan qaldırmaqda müvəffəq olmayıb.
Bennett əlavə edib ki, Hizbullah cənub Livanı yenidən bərpa edir, gücünü artırır və İran “vahid cəbhə”ni qoruyub saxlayır. Onun sözlərinə görə, Benyamin Netanyahu kabineti israillilərin ümidlərini puça çıxarıb.
O bildirib ki, Həmas yenidən Qəzza zolağına nəzarəti ələ alıb, təxminən 30 min döyüşçünü səfərbər edib və hər gün yüzlərlə yardım yük maşını qəbul edir.
Rejimin keçmiş rəsmisi qeyd edib ki, kabinet üzvlərinin “düşməni daş dövrünə qaytarmaq” kimi iddiaları artıq inandırıcı deyil.
Bennett israillilərin boş sözlərdən yorulduğunu deyərək, islahatlar üçün kabinetin dəyişdirilməsini tələb edib və bildirib ki, israillilər necə qalib gəlməyi bilən bir rəhbərliyə layiqdirlər.
Bennettin açıqlamaları xatırladır ki, Netanyahu regional müharibədə əsas prioritet kimi Həmasın Qəzzada, Hizbullahın isə Livanda məhv edilməsini elan etmişdi, lakin hər iki təşkilat hələ də öz mövqelərini qoruyub saxlayır.
4346953
