İran İslam ümmətinə izzəti qaytardı
“İQNA”, “Əl-Əhd” kanalına istinadən xəbər verir ki, İraq Əsaib Əhlil-Həqq hərəkatının baş katibinin müavini Höccətül-İslam Seyid Məhəmməd Təbatəbai bəyan edib ki, İran İslam Respublikasının qələbələri İslam ümmətinə yenidən izzət bəxş edib.
Təbatəbai deyib: “Allah İran xalqına yardım etdi və bu yardım onların səbatında və qələbəsində təcəlli etdi.”
O əlavə edib: “Bu xalq öz rəhbərliyi ətrafında birləşərək ölkəni qələbəyə çatdırdı.”
Təbatəbai bildirib ki, İran İslam Respublikası öz tələblərində israr etdi və ABŞ-ı bu şərtləri qəbul etməyə məcbur etdi.
O vurğulayıb ki, Amerika–sionist düşməninin İrana təcavüzü region xalqlarını birləşdirdi.
Əsaib Əhlil-Həqq hərəkatının baş katibinin müavini əlavə edib: “İran İslam Respublikası İraqa İŞİD terror qrupunun hücumu zamanı ölkəmizə kömək etdi.”
Təbatəbai sonda qeyd edib: “Düşmənlər bütün səylərini İraq və İran xalqları arasında ixtilaf yaratmağa yönəltsələr də, buna nail ola bilmədilər.”
4347208
