Quran araşdırmaları mərkəzi İndoneziya universitetində açılacaq
“İQNA”-nın “Əl-Viam”-a istinadən verdiyi məlumata görə, İndoneziyanın dövlət İslam Universiteti olan Molana Malik İbrahim Universitetinin rəhbərləri, Mavritaniyanın «Risalətus-Salam» Fondunun nümayəndələri ilə görüşdə, universitetdə Quran araşdırmaları mərkəzinin yaradılması barədə rəsmi razılıqlarını açıqladılar.
Bu mərkəz «Şərəfə əl-Həmadi» adı ilə açılacaq və Quran elmlərinin tədqiqatlarını gücləndirmək və Quran elmlərini tədris etmək məqsədini güdür.
Layihə, İndoneziyanın Cava şərqindəki Batu şəhərindəki Lokari Tlikonj bölgəsində, 14,419 kvadrat metr sahədə həyata keçiriləcək və Molana Universiteti mühəndislik layihələri və tikinti işlərini «PT PDC» icra qrupu ilə birgə həyata keçirəcək.
Layihənin sənədlərinə əsasən, mərkəz bir sıra tədris və tədqiqat bölmələrindən, Quranın həfz və təfsirinə aid otaqlardan, elmi araşdırma otaqlarından, tələbə yataqxanasından, məsciddən və seminar və konfranslar keçirmək üçün çoxfunksiyalı sahələrdən ibarət olacaq.
Bu layihənin məqsədləri arasında universitet tələbələri və Quran araşdırmaları sahəsindəki tədqiqatçılar üçün xidmət göstərmək, Quran tədrisi üzrə tədris proqramlarını maraqlanan şəxslərə təqdim etmək, tələvat və təcəvid bacarıqlarını inkişaf etdirmək, Quranın həfzini təşviq etmək və Quran araşdırmaları sahəsində elmi tədqiqatları dəstəkləmək yer alır.
Layihə sənədləri həmçinin göstərir ki, Molana Universitetinin Quran Araşdırmaları Mərkəzi, ixtisaslaşmış akademik proqramlar vasitəsilə İslam təhsilində mütədil yanaşmanı gücləndirmək, elmi fəaliyyətlər təşkil etmək və Quran araşdırmalarına xidmət etmək məqsədilə müasir texnologiyalardan istifadə etməyi planlaşdırır.
Bundan əlavə, mərkəz, Quran elmləri üzrə ixtisaslaşmış alim heyəti yetişdirməyi və əlaqəli mərkəzlər və qurumlarla əməkdaşlığı gücləndirməyi, Quran təhsili və tədqiqatının keyfiyyətini artırmağı hədəfləyir.
4349126
