Tramp: Pakistan bizdən "Azadlıq Layihəsi" planını dayandırmağı xahiş etdi
“İQNA”-nın “əl-Cəzirə”yə istinadən verdiyi xəbərə görə, o, "atəşkəsin hələ də qüvvədə olduğunu" təkrar edərək, iddia edib: "İranlılarla danışıqlar aparırıq."
Tramp, dünən gecə İranla ABŞ arasında Fars körfəzində baş verən toqquşma ilə bağlı öz xəyali və Hollivudvari rəvayətini təkrar edərək, həvəslə iddia edib: "Üç esminesimiz çətin bölgələrdən keçdi və İran qüvvələrini tamamilə məhv etdi."
O, həmçinin iddia edib ki, Amerika qüvvələri atəşə tutulub, lakin daha ağır atəşlə cavab veriblər.
Tramp öz şişirtmələrində davam edərək əlavə edib: "İran bu gün bizimlə oynadı; bizə qarşı nəticəsiz və yersiz hərəkətlər etdi, biz də onları məhv etdik. Mən baş verənləri mənasız və məqsədsiz bir hərəkət kimi təsvir edirəm."
Tramp həmçinin bir daha deyib ki, İran nüvə silahı əldə etməməlidir və İranla danışıqların davam etdiyini, atəşkəsin hələ də qüvvədə olduğunu bildirib.
Danışıqlarla bağlı o, "İranla razılaşma istənilən gün əldə oluna da bilər, heç vaxt da baş tutmaya da bilər" deyə qeyd edib.
Tramp öz həmişəki iddialarını təkrar edərək, "İran bu razılaşmanı ABŞ-dan daha çox istəyir və İran ən qısa zamanda razılaşmanı imzalasa, daha yaxşıdır" deyə bildirib.
4351014
