“İQNA”-nın "Şəhab" agentliyinə istinadən verdiyi məlumata görə, HƏMAS Ali Milli Təhlükəsizlik Şurasının katibi general Möhsün Rzayinin ABŞ-ın Qəzza və Livan da daxil olmaqla bütün cəbhələrdə müharibəyə son qoymağa məcbur olması barədəki mövqeyinə reaksiya verib.

Ali Milli Təhlükəsizlik Şurasının katibi "X" sosial şəbəkəsindəki mesajında yazıb: "İranın mesajı aydındır; ABŞ müharibəyə və mühasirəyə son qoymayana, İranın dondurulmuş aktivlərini azad etməyənə və Livan və Qəzza da daxil olmaqla bütün regionda atəşkəslə razılaşmayana qədər Hörmüz boğazı açılmayacaq. Bütün şərtlər yerinə yetirilənə qədər boğaz bağlı qalacaq."

HƏMAS-ın Ərəb və İslam Əlaqələri Bürosunun rəhbəri Basım Nəim bu mövqe ilə bağlı bildirib: "Biz cənab Möhsün Rzayinin Livan və Qəzza da daxil olmaqla, bütün regionda müharibənin sona çatması zərurəti ilə bağlı bəyanatını yüksək qiymətləndiririk."

Bəyanatda vurğulanıb: "Bu müharibələrə son qoymaq regionun, xalqların və onların gələcəyinin xeyrinədir. Lakin onların davam etməsi yalnız sionist düşmənin planlarına xidmət edir; bu planlar regionu parçalamağa, qeyri-sabitləşdirməyə və onun resurslarını məhv etməyə əsaslanır."

4369540