د سود د حرام کیدا دلایل
حق الناس په اسلام دین کښې تر ټولو مهمه موضوع ده تر دې چې د قران کریم تر ټولو ستر ایت یعني د بقرې سورې دوه سوه دوه اتیایم(۲۸۲) ایت همدغه موضوع ته بیل دی.
د اسلام او د اهل بیت علیهم السلام په مکتب کښې حق الناس ته د پام د جلوې اوج د عاشورا په شپه لیدلی شو؛ هغه وخت چې حضرت امام جعفر صادق علیه السلام له ظلم سره د مبارزې کولو او له ځان سره د ملګرتیا کولو شرط د چا قرضداره نه کیدل وټاکه او له هغو کسانو څخه چې چا ورباندې قرضه وه خپل بیعت بیرته واخیست ځکه چې د خلکو د قرض بیرته ورکول یې له طاغوت سره په جهاد کښې په ګډون مقدم ګاڼه.
د قران کریم بل ایت فرمايي :سود خوره کسان به د قیامت په ورځ د لیوانیانو په شان د محشر صفونو ته ورننوځي ، د هغه نشه اي کس په شان چې نه شي کولای ځان کنټرول کړي، دا ډول د محشر صف ته ورننوځي «الذین یأکلون الربا لا یقُومُونَ إِلَّا کما یقُومُ الَّذِی یتخبطه الشَّیطانُ مِنَ الْمَسَ».
پیغمبر اکرم حضرت محمد صلی فرمايي : په معراج کښې مو داسې خلک ولیدل چې د خپلو لویو خیټو په دلیل یې هرڅومره هڅه کوله نشو کولای له خپلو ځایونو پاڅیږي ، جبرائیل ته مو وویل ، دا کوم ډول کسان دي ؟ ویې ویل : دا سودخواره دي او د قران کریم د «الذین یأکُلُونَ الربا لا یقومون...» ایت ته یې اشاره وکړه.
که چیرې انسان دیني غیرت ولري ، د سود د عقوبتونو احتمال هم هغه باید مړ کړي ځکه چې دق اوره دي خو باید پوه شو چې د سود پایلې احتمال نه دی بلکې حقیقت دی چې قران کریم په پریکنده او یقیني ډول هغه بیانوي.
د سود ګناه ډیره لویه ده او څرنګه چې قران کریم فرمايي :سود خوره کسان به د لیوانیانو په شان د محشر صف ته ورځي ، د دوې د خپل عمل تجسم دی؛ ځکه چې دغه کسان په دنیا کښې له لیونتوب څخه په ډکو خبرو او په شرعي کلاه سره سود توجیه کوي او وايي د معاملې او د سود ترمینځ څه فرق شته؟ قران کریم د دغه شریف ایت په دوام کښې همدغه خبره بیانوي: «ذلک بأنهُمْ قَالُوا إِنَّمَا الْبَیعُ مِثْلُ الرِّبا».
خداوند سبحان سود نابودوي او صدقات زیاتوي.
په بل بیان سود برکت له مینځه وړي او قرض الحسنه او صدقه د انسان ژوند ته برکت وربخښي او په تجربې سره ثابته شوي ده چې له سود څخه ترلاسه شوي پیسې که چیرې د سود خور کس په ژوند کښې نابودې نشي نو د سوده خوره کس له وارثانو او بچیانو سره به هم وفا ونکړي او په ضایع کیدا سربیره د سودخوره کس په بچیانو کښې د اختلاف ، د تفرقې او د ګناه د رامینځته کیدا سبب شي.
کله نه کله لیدل کیږي ځینې کسان زیاتې پیسې لري خو په بدبختۍ سره ژوند کوي او د هغوې ژوند له یوه مسکین څخه ډير سخت دی. دا د بې برکتۍ نښه ده.
