Mashindano ya kila mwaka ya kuhifadhi Qur'ani maalumu kwa wanawake yafanyika Yemen

Mashindano ya kila mwaka ya kuhifadhi Qur'ani Tukufu yanayojulikana kwa jina la Saad al-Fars maalumu kwa wanawake na mabinti wa vituo na jumuiya za Qur'ani za nchini Yemen yaliyoanza siku ya Jumatatu katika mji wa Taiz yamepangwa kukamilika leo Jumatano.

Mashindano hayo yamekuwa yakifanyika katika ukumbi wa Kituo cha Kitaifa cha Utamaduni cha vijana wa mji huo, ikiwa ni katika utekelezwaji wa ratiba maalumu za kila mwaka za kituo hicho katika mwezi mtukufu wa Ramadhani.
Akizungumzia suala hilo, Abdullah Abdul Ilah Salim, Mkurugenzi wa kituo hicho amesema kuwa huu ni mwaka wa saba ambapo kituo hicho kinaandaa mashindano hayo na kwamba katika miaka iliyopita zaidi ya wahifadhi Qur'ani 500 wamekuwa wakishiriki katika mashindano hayo ya kuhifadhi Qur'ani.
Amesema mashindano hayo yanafanyika kwa shabaha ya kuhudumia Qur'ani na kuimarisha uwezo wa wanawake katika kuhifadhi Qur'ani na kutumia vyema vipawa na vipaji vyao katika uwanja huo. Washiriki wa mashindano hayo wameshindana kuhifadhi juu 15 za Qur'ani. 640400