تمام گروپوں کے ساتھ مساوی سلوک کے ذریعے ہی بحران کا حل ممکن ہے : آیت اللہ عیسی قاسم

بین الاقوامی گروپ : گزشتہ روز ۲۴ جنوری کو منامہ میں نماز جمعہ کے خطیب نے بحرینی عوام کے بنیادی حقوق کے بارے میں زور دیتے ہوئے کہا : اگر ایک خاص گروپ اور طبقے کی ضروریات کو مدنظر رکھ کر پوری عوام کے مطالبات سے چشم پوشی کی گئی تو ملک میں جاری بحران سمیت کسی بھی مسئلے کا حقیقی حل ممکن نہیں ہوگا۔

ایران  کی  قرآنی  خبر  رساں  ایجنسی (ایکنا)  نے اطلاع رساں ویب سائیٹ "صوت  المنامہ"  کے حوالے سے نقل کرتے ہوئے کہاہے کہ  آیت  اللہ  شیخ  عیسی  قاسم  نے  خیال  ظاہر  کیا  :  بحرین  کی  شیعہ  سپریم  کونسل  کے  بارے  میں  کوئی  بھی  توہین  آمیز  بیان   عوام  کی  نظروں  میں  اس  کے  مقام  و  منزلت کو  نقصان  نہیں  پہنچا  سکتا  ۔

انہوں  نے  مزید  کہا  :  کوئی  بھی بحرین  کو  دین  سے  جدا  نہیں  کر  سکتا  اور  نہ  ہی  کوئی  ملکی  تاریخ میں نمایاں  اہمیت  رکھنے  والے علما کو  نظر  انداز  کرسکتا  ہے  ۔

1365736