لبنانی دارالحکومت بیروت ایک مرتبہ پھر دھماکے سے لرز اٹھا !

بین الاقوامی گروپ : گزشتہ روز ۳ فروری کو تکفیری دہشت گردوں کی جانب سے لبنان کے دارالحکومت بیروت کے علاقے "الشویفات" میں کیے گئے کار بم دھماکے میں ۲ افراد جاں بحق اور متعدد زخمی ہوئے ہیں ۔

ایران  کی  قرآنی  خبر  رساں  ایجنسی (ایکنا)  نے  فرانس  کے  ۲۴  چینل  کے  حوالے  سے  نقل  کرتے  ہوئے  کہا  ہے  کہ یہ خودکش  دھماکہ بیروت  کے  اہم  ترین  مرکز الشویفات  میں  کیا  گیا  ہے  جس  کا  ہدف  حزب  اللہ  کے  زیر کنٹرول  علاقوں  کو  نشانہ  بنانا  تھا  ۔
لبنانی  وزیر  داخلہ  مروان  شربل  نے  خیال  ظاہر  کیا  :  یہ دھماکہ  خودکش  نوعیت  کا  تھا  جبکہ  حملہ  آور  کی  شناسائی  کے  لیے سیکورٹی  فورسز  کی  جانب  سے تحقیقات  کا  عمل  جاری  ہے  ۔
واضح رہے کہ   الشویفات  میں رہنے  والے  زیادہ  تر  لوگوں  کا  تعلق  دروز  فرقے  سے  ہے ۔
رپورٹ  کے  مطابق  گزشتہ  مہینوں  کے  دوران  یہ  نواں  بم  دھماکہ  ہے  جس  کے  ذریعے  لبنان  کے بے  گناہ  شہریوں  کو  نشانہ  بنایا  گیا  ہے  ۔
1370513