فرانس میں مسلمانوں کے تینتیسویں سالانہ اجتماع کا انعقاد

بین الاقوامی گروپ : ۱۸ سے ۲۱ اپریل تک فرانس کے دارالحکومت پیرس میں واقع بیورجہ نامی پارک میں مسلمانوں کا تینتیسواں سالانہ اجتماع منعقد کیا جائے گا ۔

ایران  کی  قرآنی  خبر  رساں  ایجنسی (ایکنا)  نے  اطلاع رساں ویب سائیٹ  " uoif-online "  کے حوالے سے نقل کرتے ہوئے کہاہے کہ  فرانسیسی  مسلمانوں کا یہ  سالانہ  اجتماع  آرگنائزیشن  آف  اسلامک  یونینز  کی  کوششوں سے   "معاشرے  کی  بدلتی  ہوئی  اقدار  ؛  انسان  ،  خاندان  اور بقائے  باہمی"  کے  عنوان  سے  منعقد  کیا  جائے  گا  ۔
اس  اجتماع  کے  دوران  "پیغمبر  اسلام  (ص)"  کے  عنوان  سے  نمائش  منعقد  کی  جائے  گی  جس  میں  پیغمبر  (ص)  سے  مروی  روایات  ،  سیرہ  نبوی(ص) پر لکھی  گئی  کتابیں  اور  مسجد  نبوی (ص) کی  تصویروں  کو  منظر  عام  پر  رکھا  جائے  گا  ۔
واضح رہے کہ  آرگنائزیشن  کی  جانب  سے ابھی  تک کانفرنس  میں  شرکت  کے  لیے  آنے  والی  غیر  ملکی  شخصیات  کے  ناموں  کا  اعلان  نہیں  کیا  گیا  ہے  ۔                
  1379724