داعش نے ابوبکربغدادی کی خلافت کو بیت المقدس کی آزادی سے اہم قراردیدیا
بین الاقوامی گروپ:داعش کے اس نظریے سے واضح ہوگیا ہے کہ داعش دہشت گرد تنظیم کی خلافت امریکہ اور اسرائیل کے منصوبے کے مطابق ہے جو مسلمانوں کی توجہ بیت المقدس اور مسئلہ فلسطین سے منحرف کرنا چاہتے ہیں۔
ایکنا نیوز-شفقنا-رپورٹ کے مطابق سلفی وہابی گمراہ دہشت گرد تنظیم دولت اسلامی عراق و شام (داعش) نے ابو بکر بغدادی کی خلافت کو بیت المقدس اور فلسطین کی آزادی سے اہم قراردیدیا ہےداعش کے اس نظریہ سے واضح ہوگیا ہے کہ داعش دہشت گرد تنظیم کی خلافت امریکہ اور اسرائیل کے منصوبے کے مطابق ہے جو مسلمانوں کی توجہ بیت المقدس اور مسئلہ فلسطین سے منحرف کرنا چاہتے ہیں۔
داعش کا کہنا ہے کہ بغداد کی آزاد ی بیت المقدس سے زیادہ اہم ہے اور بغداد کی آزادی کے بعد دمشق کو آزاد کرکے پھر کہیں مسئلہ فلسطین کو اٹھایا جائے گا۔ واضح رہے کہ داعش دہشت گرد تنظیم نے حال ہی میں ابو بکر بغدادی کو اپنا خلیفہ مقرر کرتے ہوئے تمام مسلمانوں پر زوردیا ہے کہ وہ ابو بکربغدادی کی خلافت کو تسلیم کرلیں اہلسنت کے بزرگ علماء نے ابو بکر بغدادی کی خلافت کو غیر شرعی اور غیر اسلامی اقدام قراردیتے ہوئے رد کردیا اہلسنت کے علماء کا کہنا ہے کہ ابو بکر بغدادی امریکی اور اسرائیلی ایجنٹ ہے اور وہ مسئلہ خلافت پیش کرکے مسئلہ فلسطین سے مسلمانوں کی توجہ ہٹانا چاہتا ہے۔
نظرات بینندگان
