ساجد نقوی :کسی بھی مکتب کے مقدسات کی توہین تشیع کا شیوہ نہیں
بین الاقوامی گروپ:ملی یکجہتی کونسل پاکستان کے زیراہتمام اتحاد امت و استقبال ماہ محرم الحرام سیمینار سے خطاب میں سربراہ ایس یو سی نے کہا کہ مسلح کارروائی اور لڑائی سے ہمارا کسی قسم کا تعلق نہیں۔
ایکنا نیوز- اسلام ٹایمز کے مطابق شیعہ علماء کونسل پاکستان کے سربراہ علامہ سید ساجد علی نقوی نے کہا ہے کہ کسی بھی مکتب کے مقدسات کی توہین تشیع کا شیوہ نہیں، شیعہ ٹائٹل کے ساتھ فرقہ وارانہ قتل و غارت میں حصہ لینے والوں سے برائت کا اظہار کرتے ہیں۔ ان خیالات کا اظہار انہوں نے ملی یکجہتی کونسل پاکستان کے زیراہتمام اتحاد امت و استقبال ماہ محرم الحرام سیمینار سے خطاب کرتے ہوئے کیا، علامہ ساجد نقوی کا کہنا تھا کہ مفتی امان اللہ قتل میں نامزد کئے جانے والے افراد 28 جولائی سے پولیس کی حراست میں ہیں۔ ملزم فٹ کئے جاتے ہیں، قاتل وہی ہوتے ہیں جو ملزم فٹ کراتے ہیں۔ مسلح کارروائی اور لڑائی سے ہمارا کسی قسم کا تعلق نہیں۔ سیمینار سے خطاب کرتے ہوئے ملی یکجہتی کونسل کے رہنما کا کہنا تھا کہ علماء کے آپس میں مل بیٹھنے سے عوام میں خوشی کی لہر دوڑ جاتی ہے۔
نظرات بینندگان
