مصر میں اخوانِ المسلمین کے 188 حامیوں کو سزائے موت
بین الاقوامی گروپ:مصر میں ایک عدالت نے گذشتہ سال پولیس تھانے پر حملے میں 12 اہلکاروں کی ہلاکت پر اخوان المسلمین کے 188 حامیوں کو سزائے موت سنائی ہے۔
ایکنا نیوز- ڈیلی پاکستان کے مطابق اگست 2013 ءمیں دارالحکومت قاہرہ کے قریب ایک پولیس سٹیشن پر مظاہرین کے حملے میں 12 اہلکار مارے گئے تھے اوراسی روز سکیورٹی فورسز نے مظاہرین کے دو کیمپوں پر پر دھاوا بول دیا تھا جس کے نتیجے میں معزول صدر مرسی کے سینکڑوں حامی مارے گئے تھے۔
برطانوی نشریاتی اداروے نے عدالتی ذرائع کے حوالے سے بتایا ہے کہ جن افراد کو سزا سنائی گئی ہے ان میں سے 151 پولیس کی تحویل میں ہیں جبکہ دیگر مفرور ہیں۔ملزمان پر 12 پولیس اہلکاروں کو ہلاک کرنے کے علاوہ ان پر دیگر 10 پولیس اہلکاروں کو جان سے مارنے کی کوشش، پولیس سٹیشن کو نقصان پہنچانے، پولیس کی گاڑیوں کو نظرآتش کرنے، بھاری اسلحہ رکھنے کے الزامات بھی عائد کیے گئے ہیں۔
نظرات بینندگان
