سعودی عرب اور داعش، دونوں مسلمانوں کا خون بہا رہے ہیں
ایکنا نیوز- ایران ریڈیو- المنار ٹی وی چینل کی رپورٹ کے مطابق حزب اللہ کے نائب سکریٹری جنرل شیخ نعیم قاسم نے کہا ہے کہ سعودی عرب اور داعش دونوں مل کر مسلمانوں اور عربوں کا قتل عام کررہے ہیں - ان کا کہنا تھا کہ یمنی قوم کے خلاف جاری جرائم پر علاقے اور پوری دنیا کے ملکوں کی خاموشی پر، گہرے افسوس کا اظہار کرتے ہوئے کہا کہ اس خاموشی کا نتیجہ، یہ نکلا ہے کہ اس بات کا مشاہدہ کیا جارہا ہے کہ اقوام متحدہ کی سلامتی کونسل بھی امداد پہنچانے اور زخمیوں اور بیماروں کا علاج و معالجہ کرنے کے لئے یمن میں فائربندی کی مخالفت کر رہی ہے اور اس کا یہ اقدام، یمن کے خلاف جنگ کی حمایت کے مترادف ہے- انھوں نے مسلمانوں اور عربوں کا قتل عام کرنے میں سعودی عرب اور داعش دہشتگرد گروہ کی کارکردگی کے بارے میں سوال اٹھاتے ہوئے کہا کہ یہ دونوں ہی، الگ الگ طریقوں سے مسلمانوں کا خون بہا رہے ہیں فرق صرف اتنا ہے کہ داعش وابستہ دہشتگرد عناصر، ایک ایک فرد کا قتل اور ان کا سر قلم کرتے ہیں جبکہ سعودی عرب، اپنے جنگی طیاروں سے حملے کرکے بیک وقت سیکڑوں افراد کا قتل عام کر رہا ہے، جن میں عورتیں اور بچے بھی شامل ہیں اور دونوں مل کر عربوں اور مسلمانوں کا خون بہا رہے ہیں اور وہ، کبھی مسلمانوں کے دشمنوں کے مقابلے میں نظر نہیں آتے۔
