دشمن سے جنگ کے لئے کسی سے اجازت نہیں لیں گے
ایکنا نیوز- ایران ریڈیو- فلسطین کے انفارمیشن سینٹر کی رپورٹ کے مطابق فلسطین کی تحریک مزاحمت حماس کے سینئر رکن حسام بدران نے کہا ہے کہ اس تحریک کی فوجی شاخ عزالدین قسام بریگیڈ، اپنے فریضے کی انجام دہی یعنی غاصب صہیونیوں سے مقابلہ کے لئے، کسی سے اجازت نہیں لے گی- حماس کے ترجمان نے کہا کہ یہ تحریک، غاصب صیہونیوں سے مقابلے کے لئے کوئی بھی روش یا طریقہ اپنائے جانے کی حمایت کرتی ہے- بدران نے اسی طرح سرحدوں سے باہر یا دیگر ملکوں میں رہنے والے حماس کے سینئر رہنماؤں اور اراکین کے خلاف صیہونی حکومت کے دعوے کو مسترد کر دیا- واضح رہے کہ صیہونی حکومت نے دعوی کیا ہے کہ حماس کے رہنما فلسطین سے باہر رہ کر کارروائیوں کی منصوبہ بندی کرتے ہیں کہ جس کے سبب ان کے میزبان ملکوں کو نقصان پہنچ رہا ہے- تحریک حماس کے ترجمان نے کہا کہ اس قسم کے پروپیگنڈے سے صیہونی حکومت کا مقصد، فلسطین کے حامی ملکوں اور حماس کے تعلقات کو خراب کرنا ہے-
