«العالم عربی» نیوز کے مطابق کربلا کے گورنر«نصیف جاسم الخطابی» نے ایرانی سفارت خانے کے حکام سے دو طرفہ امور کے حوالے سے ملاقات کی۔
چہلم امام نزدیک ہونے کے حوالے سے انکا کہنا تھا: کورونا کے خاتمے اور مناسب حالات کے بعد ہم فخر سے زائران امام حسین (ع) کو پوری دنیا سے ویلکم کریں گے۔
کربلا کے گورنر کا کہنا تھا: کربلا انتظامیہ عراق کی مرکزی حکومت کے احکامات کے پابند ہے اور اب تک فیصلہ یہی ہوا ہے کہ ویزا صادر کرنے سے گریز کیا جائے کیونکہ اب تک کورونا ویکسین یا دوا دریافت نہیں ہوئی ہے اور یہ بڑا خطرہ ہے۔
انکا کہنا تھا: امام حسین (ع) اور اسلام عوام کی حفاظت چاہتے ہیں اور امید ہے کہ جلد سے جلد اس وباء کا خاتمہ ہو تاکہ کربلا مہمانوں کی خدمت کرسکے۔