IQNA

10:36 - March 16, 2021
خبر کا کوڈ: 3509037
سندھ حکومت نے کورونا کی تیسری لہر کے خطرے کے پیش نظر صوبے بھر میں مزارات اور درگاہوں کو عوام کے لیے بند کر دیا ہے۔

محکمہ اوقاف سندھ کی جانب سے جاری نوٹیفکیشن میں کہا گیا ہے کہ محکمہ داخلہ سندھ کے احکامات کی روشنی میں کورونا وائرس کی وجہ سے سندھ بھر میں درگاہیں اور مزارات 15مارچ سے 15 اپریل تک بند رہیں گے۔

 

یاد رہے کہ محکمہ داخلہ نے مزاروں کو نیشنل کمانڈ اینڈ آپریشن سینٹر (این سی او سی) کے احکامات پر بند کرنے کا حکم نامہ جاری کیا تھا۔

 

محکمہ اوقاف کا کہنا ہے کہ مزارات اور درگاہوں میں ہونے والی تمام تر تقریبات اور اجتماعات 15 اپریل تک معطل رہیں گے۔

 

یاد رہے کہ ملک میں کورونا وائرس کی تیسری لہر شروع ہوگئی ہے اور مریضوں کی تعداد ایک مرتبہ پھر سے بڑھنا شروع ہو گئی ہے۔

 

مثبت کیسز کی شرح

این سی او سی کے مطابق گزشتہ 24 گھنٹوں کے دوران کورونا کے مثبت کیسز کی شرح 5.1 رہی۔

248469

نام:
ایمیل:
* رایے:
* captcha: