عراقی میڈیا کے مطابق سامرا آپریشن کے انچارج علی مثجل المالکی کا کہنا تھا کہ اربعین کے موقع پر زائرین کی سیکورٹی کے سخت اقدامات اٹھائے گیے ہیں اور تمام تر انتظامات مکمل ہوچکے ہیں۔
انکا کہنا تھا کہ گذشتہ ۴۸ گھنٹوں خصوصی آپریشن کیے گیے ہیں اور مختلف علاقوں میں بارودی مواد کو ضبط کرلیا گیا ہے۔
انکا کہنا تھا کہ یثرب کے علاقے سے چار راکٹ اور دیگر بارودی مواد ملے ہیں جبکہ بھاری اسلحے بھی برآمد ہوئے ہیں۔
مالکی کا کہنا تھا کہ دیگر صوبوں کے حکام سے مکمل ہم آہنگی ہے اور ڈیالہ، انبار، صلاحالدین اور بغداد میں سیکورٹی اقدامات کو تقسیم کیا گیا ہے اور ایک سنٹرل کمانڈ بھی قایم کیا گیا ہے۔
حرارتی کیمروں سے مدد
انکا کہنا تھا کہ مختلف داخلی راستوں پر دہشت گردوں کی شناخت کے لیے حرارتی کیمرے نصب کیے گیے ہیں اور اس کے حیرت انگیز نتائیج برآمد ہوئے ہیں جس سے دہشت گرد پر گرفت آسان ہوچکی ہے۔
عراقی میڈیا کے مطابق مشترک کمانڈ انچار تحسین الخفاجی کا کہنا تھا کہ دشمنوں کی شناخت کے لیے انتظامات مکمل ہیں اور ہماری مدد لیے فضائیہ اور دیگر ادارے مکمل آمادہ ہیں۔
الخفاجی کا کہنا تھا کہ حرارتی کیمروں سے دہشت گرد عناصر کی شناخت میں اچھی پیشرفت ملی ہے اور مختلف علاقوں میں اس کا انتظام کیا گیا ہے۔/