ملایشین وزیراعظم کی سیرت رسول اکرم(ص) پر تاکید
ایکنا نیوز ، نیو اسٹریٹ ٹائمز کے مطابق ، ملائیشیا کے وزیر اعظم انور ابراہیم نے مقدس پیغمبر (ص) کے یوم پیدائش کے موقع پر کہا کہ لوگوں کو نہ صرف انفرادی شخصیت کی تعمیر میں، بلکہ اجتماعی حوالے سے بھی پیغمبر اسلام کی مثال پر عمل کرنا چاہیے۔
ایک فیس بک پوسٹ میں، انور نے اس ملک کی قوم سے کہا کہ وہ مقدس پیغمبر (ص) کو ذاتی، اجتماعی اور قومی زندگی میں خاص طور پر انصاف اور رحم پر مبنی معاشرے کی تعمیر کے لیے سب سے بڑی مثال سمجھیں۔
انہوں نے کہا، "جب کہ دنیا اخلاقی قیادت کے بحران کا سامنا کر رہی ہے، ہمیں انسانیت کے سب سے بڑے استاد پیغمبر محمد کو اپنے اہم رول ماڈل کے طور پر دیکھنا اور رکھنا چاہیے۔"
انور نے کہا کہ پیغمبر (ص) کی قیادت، خاص طور پر جیسا کہ مدینہ چارٹر میں دیکھا گیا ہے، انصاف اور احسان پر مبنی متنوع لیکن متحد معاشرے کی تعمیر کا نمونہ ہے۔ انہوں نے مزید کہا: ایک شہری قوم کی تشکیل کی خواہش مدینہ چارٹر کے اصولوں سے پیدا ہوتی ہے، جس کی بنیاد اسلام کے پیغمبر نے تنوع، انصاف اور مہربانی میں اتحاد کی بنیاد پر رکھی تھی۔
انور کا مزید کہنا تھا: خدا سورہ الاحزاب «کی آیت 21 میں کہتا ہے: «لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا» » (یقینی طور پر آپ کے لیے خدا کے نبی [کے طریقے اور طرز عمل] میں ایک اچھی مثال ہے جو خدا اور قیامت کے دن کی امید رکھتا ہے؛ اور خدا کو بہت یاد کرتا ہے)۔
پیغمبر اسلام (ص) کا یوم پیدائش دنیا بھر کے مسلمانوں کی سب سے اہم تقریبات میں سے ایک ہے جو اس موقع کو ان کی زندگی، تعلیمات اور انسانیت کے لیے خدمات پر غور کرتے ہوئے مناتے ہیں۔
2010 میں فراہم کردہ اعدادوشمار کے مطابق اس ملک کے 30 ملین افراد میں سے 61 فیصد اسلام کی پیروی کرتے ہیں۔. ملائیشیا کے مسلمانوں کا مذہب زیادہ تر شافعی ہے اور اس ملک میں کچھ دوسرے فرقے جیسے صوفی اور اسماعیلی بھی رہتے ہیں۔/
4236822
