فلسطینی کیمپوں میں حافظ قرآن کی شھادت

ایکنا: صہیونی حملوں میں آگ لگنے کی وجہ سے فلسطینی کمیپ میں حافظ قرآن کریم اپنی ماں کے ہمراہ جل کر شہید ہوگئے۔

ایکنا کی رپورٹ کے مطابق، عربی ۲۱ سے نقل کیا گیا ہے کہ فلسطینی ذرائع نے اعلان کیا کہ شہید جو دو دن پہلے دیر البلح کے ایک کیمپ میں جلنے سے پہلے مزاحمت کرتے ہوئے شہید ہوا تھا، شعبان الدلو تھا، جو حافظ قرآن اور انجینئرنگ کا طالب علم تھا۔
 
فلسطینی مہاجر کیمپ میں آتشزدگی جو اسرائیلی جارحیت کے نتیجے میں ہوئی، اس دوران اس فلسطینی نوجوان کی تصویر سامنے آئی جو چادر کے اندر جل رہا تھا، اور بعد میں اعلان ہوا کہ وہ اپنی ماں اور دو دیگر افراد کے ساتھ اسرائیلی فوج کے وحشیانہ قتل عام میں شہید ہو گیا۔
 
غزہ کی پٹی میں فلسطینی میڈیا کے کارکنان نے اعلان کیا کہ یہ نوجوان شعبان الدلو، ۱۹ سال کا حافظ قرآن تھا اور انجینئرنگ کی تعلیم حاصل کر رہا تھا۔
 
یہ فلسطینی نوجوان پہلے ایک ویڈیو میں بھی نمودار ہوا تھا اور اس نے انگریزی میں ایک پیغام دیا تھا جس میں اس نے غزہ کی پٹی کے عوام کی مظلومیت کو دنیا تک پہنچایا تھا، جو اسرائیلی جارحیت کے سائے میں زندگی گزار رہے ہیں۔
 
صیہونی قابض فوج ۳۷۵ ویں دن مسلسل غزہ پر اپنے حملے جاری رکھے ہوئے ہے، جس کے نتیجے میں ۴۲ ہزار سے زائد افراد شہید اور تقریباً ۱۰۰ ہزار زخمی ہو چکے ہیں۔/

4242636