مصر کے اکتسویں بین الاقوامی مقابلوں کا اعلان

ایکنا: مصر کے اکتیسویں بین الاقوامی مقابلوں میں ساٹھ ممالک کے قرآء شریک ہوں گے۔

ایکنا نیوز کے مطابق، مصر میں اکتیسویں بین الاقوامی قرآنی مقابلے کا  قاری شیخ احمد نعینع کی تلاوت قرآن پاک سے مصر کے نئے دارالحکومت میں واقع مسجد اور ثقافتی مرکز میں ہوا۔ یہ مقابلے صدر عبدالفتاح السیسی کی سرپرستی اور وزیر اوقاف اسامہ الازہری کی نگرانی میں منعقد ہو رہے ہیں، جو 7 دسمبر سے 10 دسمبر 2024 تک جاری رہیں گے۔

اہم تفصیلات:

• 60 ممالک سے تعلق رکھنے والے 100 سے زائد شرکاء اور ججز ان مقابلوں میں حصہ لے رہے ہیں۔ مقابلے کے ساتھ ساتھ، اعلیٰ اسلامی امور کی کونسل نے پہلی بار کتابوں کی نمائش کا اہتمام کیا ہے۔ اس کا مقصد شرکاء اور عوام کو اہم مذہبی اور ثقافتی کتب سے روشناس کرانا ہے، جو شعور اجاگر کرنے اور انسانی دینی اقدار کو مستحکم کرنے میں معاون ہیں۔

شرکاء اور انعامات:

• اسامہ الجندی، وزارت اوقاف کے ایک عالم، نے بتایا کہ مقابلے میں 141 افراد کو ابتدائی آن لائن جائزے کے بعد منتخب کیا گیا ہے۔ اس سال ان مقابلوں کے لیے 11 ملین مصری پاؤنڈز کے نقد انعامات مختص کیے گئے ہیں، جو مختلف شعبوں میں نمایاں کارکردگی دکھانے والے شرکاء کو دیے جائیں گے۔ ایک نیا شعبہ بھی شامل کیا گیا ہے، یعنی قرآن کے تراجم۔ اس میں عربی اور دیگر زبانوں میں قرآن پاک کے تراجم کو پیش کرنے کی صلاحیت رکھنے والے شرکاء حصہ لے سکیں گے۔

مصر کی قرآنی خدمات:

اسامہ الجندی نے زور دیا کہ یہ مقابلے مصر کی وزارت اوقاف کی جانب سے قرآن کی نشر و اشاعت کے لیے کی جانے والی کوششوں کی عکاسی کرتے ہیں۔ یہ حکومت مصر کی ان مستقل کوششوں کا مظہر ہیں جو قرآن کو دنیا بھر میں پھیلانے اور مصر کی قرآنی قیادت کو مضبوط کرنے کے لیے کی جا رہی ہیں۔/

4252754