مصری میڈیا ادارے کو عبدالباسط کے مرتل قرآن کا تحفہ

ایکنا: طارق عبدالباسط عبدالصمد، فرزند استاد عبدالباسط نے مصری قومی میڈیا کے سربراہ کو قاری باسط کا ترتیل تلاوت تحفے میں پیش کیا۔

ایکنا نیوز- مصری میڈیا  "المصری الیوم" کے مطابق، استاد عبدالباسط عبدالصمد کی ایک تلاوت، جو ان کی وفات سے قبل مراکش میں ریکارڈ کی گئی تھی، طارق عبدالباسط عبدالصمد نے احمد المسلمانی، مصر کی قومی میڈیا تنظیم کے سربراہ، کو پیش کی۔

قرآن کی یہ مرتل تلاوت عبدالباسط کی آواز میں روایت ورش کے مطابق ہے، جو شیخ محمود خلیل الحصری کے بعد اس روایت میں دوسری تلاوت ہے۔

ورش عن نافع قرآن کی ایک متواتر قرات ہے جو شمالی اور مغربی افریقہ اور ایشیا کے کچھ حصوں میں رائج ہے، جبکہ حفص عن عاصم کی روایت مشرقی عرب دنیا اور مصر میں عام ہے۔

جنوری 2025 سے، عبدالباسط کے 98ویں یوم پیدائش کی مناسبت سے، مصر کے ریڈیو قرآن پر پہلی بار ان کی آواز میں روایت ورش عن نافع کے مطابق قرآن کریم کی ترتیل نشر کی جائے گی۔

یہ ترتیل اسماعیل دویدار کو ریڈیو قرآن مصر کے نئے سربراہ کے طور پر مقرر کیے جانے کے بعد نشر کی جائے گی۔

عبدالباسط عبدالصمد 1984 میں مصر کے قاریوں کی یونین کے پہلے صدر منتخب ہوئے تھے۔ رمضان یا غیر رمضان کے مواقع پر وہ قرآنی محافل یا دعوتوں میں شرکت کے لیے مختلف ممالک کا سفر کرتے تھے۔/

4256843