عمرہ زائرین کے لیے مکہ مکرمہ میں آمد و روانگی کی آخری تاریخوں کا اعلان

ایکنا: سعودی وزارت داخلہ کے مطابق عمرہ میں زائرین کے لیے آخری بار داخلے اور خارج ہونے کے وقت کا اعلان کردیا گیا ہے۔

ایکنا نیوز، سعودی اخبار "عکاظ" کے حوالے سے بتایا جاتا ہے کہ سعودی عرب کی وزارت داخلہ نے اعلان کیا ہے کہ:

عمرہ زائرین کے مکہ مکرمہ میں داخلے کی آخری تاریخ بروز اتوار، یا تیرہ اپریل ہے۔

اور مکہ سے روانگی کی آخری تاریخ منگل، یکم ذوالقعدہ 1446 (29 اپریل 2025 / 9 اردیبهشت 1404) ہے۔

عمرہ ویزے کی معطلی:

منگل 29 اپریل 2025 سے، تمام ویزوں کے حاملین (سوائے حج ویزے کے) کو مکہ میں داخلے کی اجازت نہیں ہوگی۔

یہ فیصلہ زائرین کی صحت و سلامتی کے تحفظ اور حج 1446 ہجری کی تیاریوں کے سلسلے میں کیا گیا ہے۔

مقیم غیر سعودی افراد کے لیے ضوابط:

بدھ، 25 شوال 1446 (23 اپریل 2025 / 3 اردیبهشت 1404) سے سعودی عرب میں مقیم غیر سعودی افراد صرف متعلقہ اداروں سے اجازت نامہ حاصل کرنے کے بعد مکہ مکرمہ جا سکیں گے۔

اجازت صرف:

مکہ میں رسمی طور پر مقیم افراد؛

حج کے مجاز ویزہ یافتگان؛

یا زیاراتی خدمات انجام دینے والے کارکنان کو دی جائے گی۔

اجازت نامے کے حصول کا طریقہ:

مقیم افراد اور کارکنان کے لیے "ابشر افراد" اور "بوابة مقیم" کے ذریعے اجازت نامے جاری کیے جائیں گے۔

عمرہ کی اجازتیں "نسک" (NUSUK) پلیٹ فارم سے حاصل کی جا سکتی ہیں، لیکن:

منگل، 29 اپریل 2025 سے پیر، 10 جون 2025 (14 ذی‌الحجہ 1446) تک عمرہ اجازتیں معطل رہیں گی۔

وزارت حج کی ہدایت:

وزارت نے تمام افراد، کمپنیوں اور حج خدمات فراہم کرنے والے اداروں کو ہدایت کی ہے کہ ان قوانین کی مکمل پابندی کریں، ورنہ قانونی کارروائی کا سامنا کرنا پڑے گا۔/

4276196