چھٹے بین الاقوامی امام رضا (ع) کانگریس کا آغاز

ایکنا: چھٹےبین الاقوامی امام رضا (ع) کانگریس، وزیر تعلیم، تحقیقات و ٹیکنالوجی اور دیگر ملکی و صوبائی حکام کی موجودگی میں گذشتہ دن کو حرم مطہر رضوی کے جوار میں آغاز ہوا۔

ایکنا خراسان رضوی کی رپورٹ کے مطابق، چھٹے بین الاقوامی حضرت امام رضا (ع) کانگریس، عشرہ کرامت کے موقع پر، گذشتہ روز ۲۵ مقررین کی شرکت سے جو ۲۱ ممالک کی نمائندگی کر رہے ہیں، وزیر تعلیم حسین سیمایی صراف اور دیگر ملکی و صوبائی حکام کی موجودگی میں حرم مطہر رضوی میں شروع ہوا۔

یہ چھٹا بین الاقوامی کانگریس، انسانی حقوق اور کرامت کے موضوع پر اور اہل بیت (ع) بالخصوص امام رضا (ع) کی تعلیمات کی روشنی میں، آستان قدس رضوی کی علمی و ثقافتی تنظیم کی کاوش اور تہران یونیورسٹی و دیگر قومی و بین الاقوامی علمی و تحقیقی اداروں کے تعاون سے دو روز تک جاری رہے گا۔

اس کانگریس کے اہم موضوعات میں شامل ہیں:

·       اہل بیت (ع) کی سیرت سے اخذ شدہ کرامت اور انسانی حقوق کے مفاہیم و نظریات، خاص طور پر امام رضا (ع) کی تعلیمات پر زور

·       انسانی کرامت کے مختلف پہلو

·       امام رضا (ع) کے تمدنی فکر اور اہل بیت (ع) کے اعلیٰ مکتب میں انسانی بنیادی حقوق کی فراہمی

·       اسلامی سنت کے احیاء میں انسانی کرامت و حقوق کی حفاظت کے مواقع اور چیلنجز

ایرانی صدر مسعود پزشکیان، مشہد میں اس بین الاقوامی کانگریس میں خطاب کریں گے۔ ان کے خطاب کے بعد رضوی منشورات کی رونمائی کی جائے گی جن میں صربی زبان میں ترجمہ شدہ کتاب" دانای خاندان اور کتاب مناظرات امام رضا (ع) با علمای یهودی و مسیحی" شامل ہیں۔

چھٹے بین الاقوامی امام رضا (ع) کانگریس کے دوران، غزہ اور مزاحمت کے حقوق کے موضوع پر ایک نشست آج بروز منگل امام رضا (ع) بین الاقوامی یونیورسٹی کی میزبانی میں منعقد ہوگی۔

اس موقع پر حجت‌الاسلام سیدسعیدرضا عاملی، جو چھٹے بین الاقوامی کانگریس کے سیکرٹری ہیں، نے شہید جمهور کی یاد اور دہہ کرامت کی مبارکباد پیش کرتے ہوئے کہا کہ اس اجلاس میں ۲۱ ممالک شرکت کر رہے ہیں اور اس کانگریس کی میزبانی آستان قدس رضوی کے متولی کر رہے ہیں۔ انہوں نے مزید کہا کہ اہل بیت (ع) کے معارف کے نئے افق کھولنا اس کانگریس کا بنیادی ہدف ہے۔/

4280362