ٹرمپ نے جنگ میں کودنے کی درخواست مسترد کردی

ایکنا: امریکن مسلمان کونسل نے ٹرمپ سے کہا ہے کہ وہ ایران- اسرائیل جنگ میں شامل نہ ہو۔

ایکنا نیوز، برطانوی اخبار گارڈین نے لکھا ہے کہ امریکہ میں مسلم تنظیموں کی سب سے بڑی اتحادی کونسل، یعنی شورائے تنظیمات مسلمانانِ امریکہ یا امریکن مسلم کونسل نے سابق امریکی صدر ڈونلڈ ٹرمپ سے مطالبہ کیا ہے کہ وہ اسرائیلی وزیراعظم نیتن یاہو کی ایران کے خلاف جنگ میں امریکہ کی شمولیت بڑھانے کی درخواست کو مسترد کریں۔

کونسل نے اپنے حالیہ بیان میں کہا: "ہم صدر ٹرمپ سے مطالبہ کرتے ہیں کہ وہ فوری طور پر اُن حملوں کو رکوانے کا مطالبہ کریں، جو اسرائیل ایرانی شہریوں پر امریکہ کے تیار کردہ بموں، امریکی جنگی طیاروں اور امریکی ٹیکس دہندگان کے پیسوں سے کر رہا ہے۔"

مزید کہا گیا:

"آئیے حقیقت کو واضح کریں۔ آج جو کچھ ہو رہا ہے، وہ وہی جھوٹ دہرا رہا ہے جس نے عراق کی جنگ کو جنم دیا تھا۔ جس طرح عراق کے پاس کوئی تباہ کن ہتھیار نہیں تھے، اسی طرح ایران کے پاس بھی ایٹمی ہتھیار نہیں ہیں، نہ وہ بنا رہا ہے۔ ایران مذاکرات کی میز پر موجود تھا اور اس بات پر آمادہ تھا کہ وہ یورینیم کی افزودگی کو صرف پرامن مقاصد کے لیے محدود کرے۔"

امریکن مسلم کونسل (CAIR) نے  اس بیان میں مزید کہا:

"ہماری حکومت نے نیتن یاہو کے تازہ ترین جنگی جرائم کو روکنے کے بجائے، انہیں ممکن بنایا ہے، جب کہ یہ موقع تھا کہ ہم ایک اور غیر ضروری جنگ کو روک سکتے تھے اور ایک معاہدے کی طرف بڑھ سکتے تھے۔"

4288717