«حنظله» اور ماڈ لین کی غزه کے لیے کاوش + فیلم
ایکنا نیوز- مرکز اطلاعات فلسطین کے حوالے سے رپورٹ میں بتایا گیا ہے کہ یہ کشتی تقریباً 15 فلسطینی حامی کارکنوں اور انسانی امداد کے کچھ سامان کے ساتھ اسرائیلی نسل کشی اور مسلسل بھوک کے ماحول میں روانہ کی گئی ہے۔
فرانس میں فریڈم فلوٹیلا کے کوآرڈینیٹر، کلود لوستیک کے مطابق، اس سفر کا مقصد غزہ کے ساتھ انسانی اور عالمی یکجہتی کا مظاہرہ کرنا ہے، اور اس مہم کی مالی معاونت عوامی امدادی مہمات کے ذریعے کی جا رہی ہے۔
کشتی "حنظلہ" نے اتوار، 22 جولائی کو جنوبی اٹلی کی بندرگاہ سیراکوزا سے غزہ کی طرف اپنی علامتی اور انسانی نوعیت کی روانگی کا آغاز کیا۔ اس اقدام کا مقصد صہیونی حکومت کی جانب سے غزہ پر عائد بحری محاصرے کو ختم کرنا، غزہ کے عوام کی حمایت کرنا اور اس خطے میں جاری انسانی بحران کی طرف عالمی توجہ مبذول کرانا ہے۔
یہ اقدام "فریڈم فلوٹیلا کولیشن" (FFC) کے تحت کیا جا رہا ہے، جو مختلف ممالک سے تعلق رکھنے والے رضاکاروں اور انسانی حقوق کے کارکنوں پر مشتمل اتحاد ہے۔ اس اتحاد نے 2010 میں معروف "ماوی مرمرہ" قافلہ بھی منظم کیا تھا جس کا مقصد بھی غزہ کا محاصرہ توڑنا تھا۔
منصوبہ سازوں کے بیان کے مطابق، "حنظلہ" کشتی علامتی انسانی امداد لے کر غزہ جا رہی ہے اور ساتھ ہی یہ پیغام دے رہی ہے کہ دنیا دو ملین سے زائد محصور فلسطینیوں کے ساتھ اظہار یکجہتی کرے۔
آرگنائزرز نے زور دیا کہ یہ کشتی صرف امدادی سامان کی ترسیل کا ذریعہ نہیں، بلکہ عالمی برادری کی بے حسی، غزہ میں غربت، تباہی، اور محاصرے کے خلاف ایک زندہ علامتی احتجاج بھی ہے۔/
4294383
