مصری گورنر: شعیشع بهترین قرآنی سفیرتھا

ایکنا: مصر کے صوبہ کفر الشیخ کے گورنر نے کہا: شیخ ابوالعینین شعیشع آج بھی مصر کے لیے باعثِ فخر ہیں اور وہ قرآن کے بہترین سفیر تھے۔

ایکنا نیوز، الوطن کی رپورٹ میں کفر الشیخ کے گورنر علاء عبدالمعطی نے شیخ ابوالعینین شعیشع، مصر کے نامور قاری، کی 103 ویں سالگرہ کے موقع پر اپنے پیغام میں کہا: شیخ ابوالعینین شعیشع مصر کا فخر تھے اور آج بھی ہیں۔ وہ قرآن کے نورانی حروف کی تلاوت کے نمایاں ترین نمونوں میں سے ایک ہیں جو تاریخ میں ہمیشہ زندہ رہیں گے۔

ان کا کہنا تھا : شیخ شعیشع محض ایک قاری نہیں تھے، بلکہ ایک پورا مکتبِ تلاوت تھے۔ ان کی منفرد آواز اور خشوع و خضوع سے لبریز تلاوت نے دنیا بھر کے مسلمانوں کے دل جیت لیے۔

عبدالمعطی نے وضاحت کی کہ شعیشع صرف مصر کے نہیں تھے، بلکہ انہوں نے مصر اور اسلام کی نمائندگی کرتے ہوئے دنیا کے مختلف ممالک کا سفر کیا اور قرآن کے بابرکت کلمات کو اپنی دلنشین آواز کے ساتھ عام کیا۔ وہ قرآن کے بہترین سفیر تھے۔

انہوں نے اس بات پر بھی فخر کا اظہار کیا کہ شیخ شعیشع کا تعلق صوبہ کفر الشیخ سے تھا اور نئی نسل سے مطالبہ کیا کہ وہ اس عظیم قاری کو اپنا نمونہ اور آئیڈیل بنائے۔

یاد رہے کہ استاد ابوالعینین شعیشع 12 اگست 1922 کو کفر الشیخ، مصر میں پیدا ہوئے اور صرف 10 سال کی عمر میں حافظِ قرآن بن گئے تھے۔ یہ عظیم قاری 23 جون 2011 کو اس دنیا سے رخصت ہوئے۔/

4300367