خطیب مسجد الاقصی پر چھ ماہ کے لیے داخلے پر پابندی

ایکنا: بیت المقدس کے محکمہ اوقاف نے ایک بیان میں کہا ہے کہ اسرائیلی پولیس نے جمعہ کی نماز کے بعد مسجد الاقصی کے خطیب، شیخ محمد سرندح کو گرفتار کر لیا۔

ایکنا نیوز کے مطابق اسرائیلی پولیس کے فیصلے کے مطابق شیخ محمد سرندح کو چھ ماہ کے لیے مسجد الاقصی میں داخل ہونے سے منع کر دیا گیا ہے۔ پولیس کا الزام ہے کہ انہوں نے جمعہ کے خطبے میں "تحریک آمیز" بیانات دیے۔

پولیس کے مطابق شیخ سرندح نے اپنے خطبے میں غزہ کی صورتحال پر بات کرتے ہوئے کہا کہ غزہ کے عوام کے لیے آزادی اور تقویت کی دعا کی اور شہداء کے لیے مغفرت طلب کی۔ انہوں نے مزید کہا: پادشاہان اور بت پرست ماضی میں مسلمانوں کو نقصان نہیں پہنچا سکے اور آج مغرب بھی کامیاب نہیں ہوگا۔

یہ اقدام اسرائیلی حکام کی ان سخت پالیسیوں کا حصہ ہے جن کے تحت مسجد الاقصی کے خطباء کو نشانہ بنایا جا رہا ہے۔ صہیونی حکومت اسے اس بہانے انجام دیتی ہے کہ خطبوں میں "تحریک آمیز تقاریر" کی جاتی ہیں۔/

4306280