عراق؛ نویں گروپ طلباء قرآنی مقابلے

ایکنا: نواں قومی قرآنی گروپ مقابلہ، جو عراق کی مختلف جامعات کے طلباء کے لیے مخصوص ہے، دارالقرآن آستانہ حسینی کی جانب سے اور یونیورسٹی آف کربلاء کی فیکلٹی آف اسلامک اسٹڈیز کے تعاون سے منعقد کیا جا رہا ہے۔

ایکنا نیوز عراق کے مطابق، دارالقرآن آستانہ حسینی کے ایک وفد نے یونیورسٹی آف کربلا کا دورہ کیا تاکہ نواں قومی قرآنی ٹیم مقابلہ منعقد کرنے کے سلسلے میں تعاون، ہم آہنگی اور تیاری کے امور پر تبادلہ خیال کیا جا سکے۔

وسام نذیر الدلفی، جو دارالقرآن آستانہ حسینی سے وابستہ قرآنی اطلاعاتی مرکز کے سربراہ ہیں، نے بتایا کہ وفد نے یونیورسٹی آف کربلا کے صدر صباح واجد علی اور فیکلٹی آف اسلامک اسٹڈیز کے ڈین محمد حسین الطائی سے ملاقات کی۔

انہوں نے مزید کہا کہ ملاقات میں اس مقابلے کے تنظیمی اور فنی پہلوؤں پر تفصیلی بات چیت ہوئی، جو دارالقرآن آستانہ حسینی اور یونیورسٹی آف کربلا کی فیکلٹی آف اسلامک اسٹڈیز کے اشتراک سے منعقد کیا جائے گا۔ اس موقع پر فیصلہ کیا گیا کہ یہ مقابلہ 23 نومبر 2025 (مطابق 2 آذر 1404 ہجری شمسی) سے تین دن تک جاری رہے گا۔

دورے کے اختتام پر دارالقرآن آستانہ حسینی کے وفد نے یونیورسٹی آف کربلا کے صدر کو اُن کی مشترکہ قرآنی سرگرمیوں میں مسلسل کوششوں اور بھرپور تعاون کے اعتراف میں تعریفی شیلڈ اور شکریے کا لوح پیش کیا۔/

4309851