غزہ؛ آٹھ ہزار قرآنی اساتذہ آمادہ فعالیت

ایکنا: فلسطینی پناہ گزینوں کے لیے امداد اور روزگار سے متعلق ادارے (اونروا) نے اعلان کیا ہے کہ غزہ پٹی میں 8 ہزار سے زائد اساتذہ بچوں کی تعلیم کی بحالی اور اسکولوں کی سرگرمیوں کے دوبارہ آغاز کے لیے تیار ہیں۔

ایکنا نیوز، العربیہ نے رپورٹ دی کہ اونروا نے ہفتہ کے روز ایک بیان میں کہا کہ یہ ادارہ غزہ کی سب سے بڑی انسانی ہمدردی کی تنظیم ہے، لہٰذا اسے بغیر کسی رکاوٹ کے اپنے کام کی اجازت دی جانی چاہیے۔

اونروا نے وضاحت کی کہ غزہ کے بچے بہت طویل عرصے سے تعلیم سے محروم ہیں۔ قابض اسرائیلی حکومت کی جانب سے غزہ پر مسلط کردہ جنگ کے نتیجے میں تقریباً 68 ہزار افراد شہید ہو چکے ہیں، جب کہ بار بار کی بمباری نے غزہ کی زیادہ تر تعلیمی عمارتوں اور بنیادی ڈھانچے کو تباہ کر دیا ہے۔

اس صورتحال کے باعث غزہ کے طلباء تقریباً دو سال سے اسکول نہیں جا سکے، تاہم اونروا کے مطابق، اب ہزاروں اساتذہ بچوں کی تعلیم دوبارہ شروع کرنے کے لیے پوری طرح تیار ہیں۔/

4311359