200 il tarixi olan ən kiçik Quran nüsxəsi

Tehran, 17.04.2016 - Misirin Asyut əyalətində bir nəfərin evində 200 il tarixi olan ən kiçik Quran nüsxəsi tapılıb.

İQNA-nın (Beynəlxalq Quran Xəbər Agentliyi) Misrin "vtv" xəbər və informasiya portalına istinadla verdiyi xəbərə görə, Misirin Asyut əyalətində bir nəfərin evində 200 il tarixi olan ən kiçik Quran nüsxəsi tapılıb.

Misirdə ən kiçik nüsxə sayılan bu Quranın hətta bütün dünyada da ən kiçik Quran nüsxəsi olduğu ehtimal edilir.

Osmanlı imperiyası dövrünə aid edilən bu kiçik nüsxənin uzunu 2 sm-dən çox deyil və vətəndaş deyir ki, o bu nüsxəni öz ata-babasından irs olaraq saxlayıb.

Asyut Universitetinin Sosial Elmlər və Coğrafiya Fakültəsinin rəhbəri Əhməd Qasim deyib ki, Quran nüsxəsini evində saxlayan şəxs onu atalarından irs aparıb.

Quran nüsxəsinin 200 ildən çox tarixi var. Osmanlı xilafəti dövrünün əvvəlinə aiddir. Quranı evində saxlayan şəxs onu satmaq istəmir.

O deyib ki, Quran nüsxəsinin diametri 2 sm, eni 2 sm və uzunluğu isə 25 mm-dir. Quran nüsxəsi Osmanlı möhürü ilə möhürlənib və çox gözəl qızıl işləməsi ilə cildi bəzədilib. Həmin dövrün bütün Quranlarında olduğu kimi xətmi Quran duası ərəb və türk dillərində bu nüsxədə yazılıb. Onun sözlərinə görə, Quranın bütün surələri və ayələri bu kiçik Quranda yer alıb.

http://iqna.ir/fa/news/3488886