Hacı Şahin Həsənli Gürcüstanda dini camiə ilə görüşəcək
İQNA, Az.shafaqna.com-a istinadla xəbər verir, Azərbaycanın tanınmış din xadimi, QMİ-nin rəsmi nümayəndəsi Hacı Şahin Həsənli Gürcüstana səfərə gedir.
O Gürcüstanda Tbilisi, Marneuli və Qardabanidə məscidlərdə çıxış edəcək, dindarlarla görüşəcək.
Məlumata görə, səfər Azərbaycanın Gürcüstandakı səfirliyi və QMİ-nin təşəbbüsü ilə baş tutacaq.
Qeyd edək ki, görüşlər noyabr ayının 3-də Tbilisidə Poniçala qəsəbəsindəki (Soğanlıq) Əhlibeyt məscidində saat 15:00-da, noyabr ayının 3-də Marneulinin İmam Hüseyn məscidində saat 18:00-da, noyabr ayının 4-də Qardabaninin “Mərağa” məscidində saat 18:00-da keçiriləcək.
Bundan başqa ilahiyyatçı Azərbaycanın Gürcüstandakı Səfirliyi tərəfindən Vətən Müharibəsinin Şəhidlərinin 4 noyabrda keçiriləcək anım mərasiminə də qatılacaq, yerli Azərbaycan dilli media ilə görüşəcəyi gözlənilir.
