Kolumbiyadan Qəzza üçün çağırış
Xarici İşlər Nazirliyinin rəsmi internet səhifəsində yayımlanan məlumata görə, Murillo Doha Forum 2024 çərçivəsində keçirilən "Fələstində Daha Bir Faciə İlindən Qaçınmaq: İrəliyə Yol Açmaq" panelində iştirak edib.
Murillo çıxışı zamanı Kolumbiyanın sülh və insan həyatı üçün diplomatiyanı dəstəklədiyini vurğulayaraq, "İnsanlar, insan hüquqlarını və ləyaqətini qoruduqda, həyatı dəstəkləmiş oluruq" deyə bildirib.
Qəzzadakı hücumların soyqırım olaraq qeydə alındığını bildirən Murillo, "Körpələr də daxil olmaqla, 45 mindən çox insan həlak olub. Bu ölümlərin 70 faizi qadın və uşaqlardır. Bu reallıq beynəlxalq qaydalara əsaslanan düzənə meydan oxumaqdır" ifadələrini işlədib.
Murillo Qəzzada beynəlxalq insan hüquqlarının qorunması çağırışını təkrarlayaraq, İsraili beynəlxalq sistemin tələb etdiyi qərarları tətbiq etməməkdə tənqid edib.
Doha Forum 2024, 7-8 dekabr tarixlərində Qətərin paytaxtı Dohada təşkil olunub.
