Əfqanıstanda məscidə bombalı hücum olub

İQNA - Əfqanıstan mediası Məzari-Şərifin şiələrin sıx yaşadığı ərazidə partlayış baş verdiyini bildirib.

Khaama Press agentliyinin verdiyi məlumata görə, Məzari-Şərifdə “Se Dukan” şiə məscidi yaxınlığında baş verən partlayış nəticəsində çoxlu sayda ölən və yaralanan var.

Partlayışın şəhərin eyni adlı “Se Dukan” ərazisində baş verdiyi, azı 4 nəfərin öldüyü və yaralandığı bildirilib.

Qeyd olunub ki, Əfqanıstanda hökuməti əlində saxlayan Taliban rəsmiləri hələlik hadisə ilə bağlı açıqlama verməyib və heç bir qruplaşma məsuliyyəti üzərinə götürməyib.