Avstraliyada islamofobiya səhiyyə sisteminə sirayət edib
“Karbala-intel.net” saytının verdiyi məlumata görə, Avstraliyada son vaxtlar keçirilən milli bir araşdırma, müsəlman səhiyyə işçilərinin dörddə üçünün təkcə dini kimliklərinə görə xəstəxanalarda və klinikalarda ayrı-seçkilik və islamofobiyaya məruz qaldığını üzə çıxarıb.
Yüzlərlə həkim və tibb bacısının iştirakı ilə aparılan bu araşdırma, “insani bir peşə” sayılan səhiyyə sahəsində çalışan müsəlmanların qarşılaşdığı vəziyyəti qaranlıq şəkildə ortaya qoyur. Araşdırmaya əsasən, bu şəxslər təkcə hicab taxdıqları və ya islami kimliklərinə görə sistematik şəkildə alçaldılır, kiçildilir və peşəkar bacarıqları sual altına alınır.
Araşdırmanın nəticələrinə görə, müsəlman qadınlar xarici geyimləri və İslami tərzdə geyindiklərinə görə ən çox ədalətsizliyə məruz qalan qrupdur.
Sənədləşdirilmiş hesabatlarda bəzi xəstələrin hicablı həkimlərdən müalicə almaqdan imtina etdiyi və onlara qarşı şifahi hücumlar etdiyi göstərilir.
“Avstraliyanın İslamofobiya Qeydləri” adlı başqa bir hesabatda isə, xüsusilə Yaxın Şərqdə son zamanlar baş verən geosiyasi hadisələrdən sonra müsəlmanlara qarşı hücum və təhdidlərin narahatedici dərəcədə artdığı müşahidə olunub.
Hesabatda fiziki hücumların 60 faizinin, şifahi hücumların isə 79 faizinin müsəlman qadınları hədəfə aldığı göstərilir ki, bu da müsəlmanlara qarşı nifrət ritorikasının miqyasını açıq şəkildə göstərir.
4294125
