Pakistanda ilk beynəlxalq Quran müsabiqəsinin keçirilməsi
“İQNA”-nın İslam Mədəniyyəti və Əlaqələr Təşkilatının mətbuat xidmətinə istinadən verdiyi xəbərə görə, Pakistanın dini işlər və dinlərarası həmrəylik naziri Sərdar Məhəmməd Yusif bu görüşdə Pakistanla İran arasında mövcud dini və mədəni əlaqələrə işarə edərək, xüsusən dini turizm sahəsində qarşılıqlı əməkdaşlıqların genişləndirilməsinin vacibliyini vurğulayıb.
O, iki ölkə arasında turizm sazişinin hazırlanması da daxil olmaqla, zəruri infrastrukturun təmin edilməsini istəyib.
Sərdar Məhəmməd Yusif həmçinin İran İslam Respublikasının anti-İsrail mövqelərini yüksək qiymətləndirib və 12 günlük müharibə zamanı sionist rejimin təcavüzünə qarşı iranlıların müqavimətini təqdir edib.
Pakistanın dini işlər naziri iki ölkə arasında Qurani-Kərim sahəsində əməkdaşlıqları alqışlayaraq bildirib: “Bu il Pakistan mükafatı adı ilə ilk beynəlxalq Qurani-Kərim müsabiqəsi keçiriləcək və biz İran İslam Respublikasını bu müsabiqədə ən yüksək səviyyədə hakim və qari göndərməklə iştirak etməyə dəvət edirik.”
Bununla yanaşı, ölkəmizin səfiri Rza Əmiri-Muğəddəm Pakistanın 12 günlük müharibə zamanı İran İslam Respublikasına verdiyi dəstəyə görə təşəkkür edib və Pakistanın anti-İsrail mövqelərini İslam dünyasında misilsiz adlandırıb.
O, Pakistanda möhtəşəm Quran məclislərinin keçirildiyini xatırladaraq, bir çox İslam ölkələrində olduğu kimi beynəlxalq Qurani-Kərim müsabiqələrinin Pakistanda da təşkil olunmasını təklif edib və ölkəmizin bu müsabiqələrin keçirilməsinə kömək etməyə hazır olduğunu bildirib.
4306570
