Məscidül-Əqsanın yenidən ibadətə açılması
“İQNA”-nın “Əl-Cəzirə”yə istinadən verdiyi xəbərə görə, İsrail işğalçı qüvvələri tərəfindən 41 gün bağlı saxlanılan Məscidül-Əqsa cümə axşamı səhər tezdən ilk dəfə olaraq yenidən namaz qılanların girişinə açılıb.
Məscidül-Əqsanın açılması elan edildikdən sonra yüzlərlə fələstinli sübh namazını qılmaq üçün məscidə axışıb.
İşğalçı İsrail rəsmiləri 28 fevraldan etibarən, rejimin və ABŞ-ın İrana qarşı hücumundan sonra mümkün toplaşmaların qarşısını almaq üçün ehtiyat tədbiri adı altında Məscidül-Əqsa və Müqəddəs Qəbir Kilsəsini bağlamışdılar.
Sionist rəsmilər həmçinin bu il, 1967-ci ildə Şərqi Qüdsün işğalından bəri ilk dəfə olaraq, Məscidül-Əqsada Fitr bayramı namazının qılınmasına mane olublar.
Eyni zamanda, sionist rejim bildirib ki, 2 aprel tarixində başlayıb çərşənbə günü başa çatan Fisah bayramı münasibətilə yəhudilərə Məscidül-Əqsa kompleksinin yaxınlığında yerləşən Qərb Divarında (ağlama divarı kimi də tanınır) ibadət etməyə icazə verilir.
4345495
