İraqın ruhani mərcəiyyətinin terrorla mübarizə haqqında fətvasının il dönümünün qeyd edilməsi
“İQNA”-nın İraqın rəsmi “VA” xəbər agentliyinə istinadən verdiyi məlumata görə, İraqın Həşd əş-Şəbi təşkilatı bazar ertəsi günü yaydığı bəyanatda bildirib: "Bu təşkilatın yaradılmasının on ikinci ildönümü və ali dini mərcəyi, həzrət ayətullahəl-uzma Seyid Əli Sistani tərəfindən terrorla mübarizə, İraq torpaqlarının və müqəddəsatının müdafiəsində tarixi dönüş nöqtəsi sayılan mübarək kifai cihad fətvasının ildönümü münasibətilə xüsusi media kampaniyası başladılıb."
Bu bəyanata əsasən, sözügedən kampaniya müxtəlif media məzmunlarının, o cümlədən sənədli filmlərin, qısametrajlı filmlərin, bədii və kinematoqrafik treylerlərin istehsalı və yayılması, həmçinin İraqın azad edilməsi uğrunda böyük döyüşlərin unudulmaz görüntülərinin təkrar nümayişini əhatə edir.
Mənbə əlavə edib: "Bu kampaniya ərzində həmçinin Həşd əş-Şəbi döyüşçülərinin, şəhidlərin və mücahidlərin şücaət görüntülərinin arxivi, paytaxt və digər əyalətlərdə geniş xalq proqramları ilə yanaşı nümayiş etdiriləcək ki, bu da bu milli və etiqadi münasibətdə qəhrəmanların fədakarlıqlarını xatırlatsın."
Bəyanatın sonunda deyilir: "Bu təşkilat böyük qürurla Həşd əş-Şəbi övladlarının rəşadətli mövqelərini və fədakarlıqlarını ehtiramla yad edir. Həmçinin bütün öz qüvvələrini və İraqın ümumi xalqını şəhidlərin qanını uca tutmaq, İşid üzərində qələbənin tarixi yaddaşını canlı saxlamaq və fədakarlıq və ləyaqət yolu ilə əhdi yeniləmək üçün bu media kampaniyasının məzmunlarının yenidən yayılmasında və əks etdirilməsində fəal iştirak etməyə dəvət edir."
4355565
