ABŞ-ın müdaxiləsi ilə sionist rejim Cənubi Beyruta hücumunu dayandırıb
“İQNA”-nın "Əl-Cəzirə"yə istinadən verdiyi xəbərə görə, İranın ciddi xəbərdarlıqlarından sonra sionist medyalar bu rejimin Livana həyata keçirməyi planlaşdırdığı hücumun təxirə salındığını bildirirlər.
Sionist rejimin radio-televiziya təşkilatı mənbəyə istinadən xəbər verib ki, bu rejim Beyrutun cənub ətrafına böyük hücum etmək niyyətində idi, lakin ABŞ-ın müdaxiləsi səbəbindən son anda bu hücumu təxirə salıb.
Bundan əlavə, "Əl-Məyadin" xəbər agentliyi bildirib: sionist rejimin 12-ci kanalı Netanyahuda və Tramp arasında telefon danışığının yeni atəşkəs əldə etmək cəhdləri fonunda Beyrutun cənub ətrafına hücumla bağlı qərar qəbulunu təxirə saldığını açıqlayıb. "Reuters" agentliyi də iki sionist mənbəyə istinadən xəbər verir ki, İsrail Beyrutun cənub ətrafındakı hər hansı əməliyyat üçün Trampın son icazəsini gözləyir.
Bu, Netanyahunun bir neçə saat əvvəl Dəhiyyəyə hücum əmri verməsinə baxmayaraq baş verir.
Bu əmrdən sonra general-leytenant Əli Əbdullahi, Xətəmül-Ənbiya Mərkəzi Qərargahının komandanı bildirib: "Netanyahu regionda öz təxribatlarını davam etdirərək Dəhiyyəni və Beyrutu bombalamaqla hədələyir və onun sakinlərinə təxliyə xəbərdarlığı edib. Rejimin atəşkəsi dəfələrlə pozmasını nəzərə alaraq, bu təhdid həyata keçiriləcəyi təqdirdə işğal olunmuş ərazilərin şimal hissələrinin və hərbi yaşayış məntəqələrinin sakinlərinə xəbərdarlıq edirik ki, zərər görmək istəmirlərsə, regionu tərk etsinlər".
İran İslam Respublikasının xarici işlər naziri Seyid Abbas Ərağçi daha əvvəl sosial mediada yazıb: "Dərhal diqqət üçün, İran və ABŞ arasında atəşkəs, heç bir qeyri-müəyyənlik olmadan, Livan da daxil olmaqla bütün cəbhələrdə atəşkəs sayılır. Bu atəşkəsin hər hansı cəbhədə pozulması, bütün cəbhələrdə pozulması deməkdir. ABŞ və İsrail bu atəşkəsin hər hansı pozulmasının nəticələrinə görə məsuliyyət daşıyacaqlar".
4355661
